Final 12 ng Idol PH ibabandera sa Linggo

SA Linggo, Hunyo 23, iaanunsyo na ang Final 12 sa Idol Philippines kaya tiyak na kabado na ang 20 finalists mula sa 69 contestants na napili sa kanilang “Do or Die” performances.

Pumasok sa top 20 sina Lance Busa, Renwick Benito, Matty Juniosa, Miguel Odron, Dan Ombao, Kevin Hermogenes, Lucas Garcia, Enzo Almario, Roque Belino, Jasper Lacson, Zephanie Dimaranan, Fatima Louise Lagueras, Sheland Faelnar, Rachel May Libres, Elle Ocampo, Trish Bonilla, Jeremiah Torayno, Michelle Primavera, Denize Castillo at Charmagne Algario.

Ang top 20 ay magpapakitang-gilas sa Linggo at doon pipiliin ng mga huradong sina Regine Velasquez-Alcasid, James Reid, Moira dela Torre at Vice Ganda ang Final 12.

Sa huling linggo ng Hulyo ang grand finals ng Idol PH.