JANINE GUTIERREZ
KUNG inaakala n’yong tapos na ang paghihiganti ni Scarlet (Janine Gutierrez) sa Dragon Lady laban sa mga kontrabida sa buhay niya, ay nagkakamali kayo.
Hindi pa rin siya patatahimikin nina Vera (Maricar de Mesa) at Astrid (Joyce Ching) ngayong alam na nito na buhay ang mga magulang niyang sina Almira (Diana Zubiri) at Bryan (James Blanco), gagawin nito ang lahat para mabura na nang tuluyan sa mundo ang kanyang pamilya.
At dahil diyan, kailangang rumesbak si Scarlet para masiguro ang kaligtasan ng kanyang magulang na ngayon na lang niya uli nakasama matapos ang ilang taong pagtatago dahil na rin sa kagagawan ni Vera.
Abangan kung gaano katindi ang next round ng laban sa pagitan ni Vera at ng pamilya ni Scarlet.
Samantala, isusuko na nga ba si Michael (Tom Rodriguez) ang kanyang pagmamahal kay Scarlet matapos ngayong handa na ang dalaga na maging boyfriend si Goldwyn (Edgar Allan Guzman)?
In fairness, patok na patok sa viewers ang MMA (Mixed Martial Arts) fight nina Tom at EA sa Dragon Lady, talagang super long hair si Janine dahil handang magpatayan ang dalawang lalaki sa buhay niya makuha lang ang kanyang puso.
Pero marami ang naaawa kay Tom sa serye ha! Masyado naman daw malupit si Janine dahil hindi pa rin niya ito mapatawad sa kabila ng pagsisisi at pagmamakaawa nito. Comment nga ng isang netizen, “Michael akin ka na lang! Scarlet magsisisi ka sa ginagawa mo sa kanya!”
Patuloy na tutukan ang Dragon Lady sa GMA Afternoon Prime after Eat Bulaga.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.