Kayo pa rin

Sulat mula kay Lina ng Lantawan, Basilan

Dear Sir Greenfield,

Magdadalawang taon na ang relasyon namin ng boyfriend ko nang bigla kaming nagkahiwalay. Wala namang love triangle, pero bigla siyang nag-abroad sa Middle East bilang welder. Ayaw ko sana siyang payagan, pero sabi niya para raw iyon sa kinabukasan namin at para na rin daw sa itatayo naming pamilya. Ang problema, mahigit isang buwan na siya sa Middle East, hindi pa rin niya ako kino-contact kaya labis na akong nag-aalala sa kanya. Itatanong ko lang po kung magkakabalikan pa kaya kami at kokontakin pa kaya niya ako? Nagtanong na ako sa agency niya pero ayaw namang ibigay sa akin ang mga detalye dahil hindi naman kami kasal. Sana, matulungan ninyo akong muli kaming magkaroon ng komunikasyon at kung magkakaroon kami ng relasyon, magiging kami pa rin kaya at siya na kaya ang lalaking makakatuluyan ko at makakasama sa pagbuo ng maligayang pamilya balang araw?

Umaasa, Lina ng Lantawan, Basilan

Solusyon/Analysis:

Palmistry:

Kapansin-pansing maaganda at maayos naman ang Heart Line (Illustration 1-1 arrow 1.) o ang Guhit ng Damdamin sa iyong palad. Ibig sabihin, anomang pagsubok ang pinagdadaanan ninyo sa kasalukuyan ng boyfriend mo, umasa kang magiging happy ending pa rin ang lahat.

Cartomancy:

Five of Hearts, Ten of Diamonds, at Eight of Hearts ang lumabas (Illustration 1.). Ang mga baraha ang nagsasabing pagkalipas ng limang buwan, magkakaroon uli kayo ng komunikasyon, upang pagsapit ng ika-10 buwan, magpapadala siya ng malaking halaga ng salapi, ipapatago niya ito sa iyo upang paglaanan at paghandaan ang inyong nalalapit na kasal.

Itutuloy….