LIZA SOBERANO, ENRIQUE GIL AT OGIE DIAZ
DINALAW ni Enrique Gil ang girlfriend niyang si Liza Soberano sa Amerika kung saan mananatili ang aktres nang ilang buwan dahil inoperahan ang kanyang daliri dahil sa bone infection.
Base sa kuwento ng manager ni Liza na si Ogie Diaz nitong Huwebes nang hapon ay dumating si Quen kaya nagpaiwan ang binata nu’ng umalis na siya.
“Isang linggo lang kami ng pamilya ko sa Amerika, kasama na rin sa pagdalaw ko kay Liza. Tapos dumating nga si Enrique,” say ni Ogie.
Bakas sa mukha ni Liza ang saya na muling nakapiling si Quen base na rin sa mga litratong ipinost ni Ogie sa kanyang Facebook page kung saan makikitang magkakasama silang namasyal sa Disneyland at Six Flags America na madalas puntahan ng mga turista.
Inalam namin kay Ogie kung hanggang kailan si Liza sa Amerika dahil nga matagal ang healing process matapos ang operasyon sa daliri ng aktres.
“Depende sa payo ng doktor. Kaya nga hindi pa kami makapagpa-schedule para sa taping ng bagong teleserye nila ni Enrique kasi depende pa rin kung kailan siya uuwi,” sabi pa sa amin.