DOUG KRAMER AT CHESCA GARCIA
Bago pa sila ma-bash ng mga inggiterang haters sa social media, ipinaliwanag agad ng mag-asawang Chesca Garcia at Doug Karmer kung bakit pinalagyan nila ng elevator ang kanilang dream house.
Sa panayam ng ABS-CBN, sinabi ni Chesca na malapit na silang lumipat sa ipinatayo nilang bagong bahay at aniya, pinalagyan nila ito ng elevator dahil, “Our house kasi is high. With the basement it’s four floors and we were thinking just in case we decide to sell it in the future and there’s an elderly, at least there’s an elevator that can cater for whatever needs.
“Kasi it’s hard to go up and down if you’re old already. At least there’s an elevator,” paliwanag ng TV host-actress.
Hindi naman daw ito inilagay para lang makapagyabang at para na rin sa safety ng kanilang mga anak na sina Kendra, Scarlet at Gavin.
Samantala, ibinalita rin ni Chesca sa nasabing panayam ang tungkol sa pinagdaanan nilang final stage ng In Vitro Fertilization (IVF) cycle para sa plano nila ni Dough na magka-baby uli.
“We’re still on the journey of being able to conceive so I’m not pregnant yet but we’re still working on that. Right now we’re excited to move in so we will be moving in next Sunday after two years,” aniya.