PATAY ang chief tanod na inirereklamo sa panggagahasa nang manlaban sa mga pulis na dadakip sa kanya sa San Jose Del Monte City, Bulacan, Biyernes ng hapon.
Napatay si Boyet Tuando, chief tanod ng Brgy. Citrus, ani Col. Chito Bersaluna, direktor ng Bulacan provincial police.
Nagsagawa ng entrapment laban kay Tuando dakong alas-4:30, sa Bgry. Sto. Cristo.
Nilunsad ang operasyon bunsod ng reklamo ng isang babae, na ilang beses umanong ginahasa matapos i-blackmail at pagbantaan pang papatayin ng suspek kung di makikipagtalik.
Nauwi ang operasyon sa panghohostage ni Tuando sa biktima, hanggang sa siya’y makipagbarilan at mapatay ng mga pulis, ani Bersaluna.
MOST READ
LATEST STORIES