Kris, Rayver muling isasabak ng GMA sa matinding challenge

Magsasamang muli sina Kris Bernal at Rayver Cruz sa bagong suspense series ng GMA 7.

Huling nagsama ang dalawa sa afternoon drama na Asawa Ko, Karibal Ko with Thea Tolentino.

Kuwento ni Kris sa bagong series kung saan makakasama rin sina Megan Young at Kim Domingo, may first time na naman siyang gagawin dito na ikaka-shock ng kanyang fans.

Sa totoo lang, si Kris lagi ang isinasalang sa mga programang may kakaibang tema at twist. Sa huli niyang serye, naging karibal niya ang lalaking asawa na naging transwoman, huh!

Anyway, ngayong araw na ito, Sabado, ibabahagi ni Kris ang kaalaman niya sa pagnenegosyo sa Kapuso morning show na Sarap Di Ba? kasama sina Ate Velma at DJ Onse.