ION PEREZ
Naloko na rin pala ng babae ang rumored boyfriend ni Vice Ganda na si Ion Perez o mas kilala sa tawag na Kuya Escort.
Nagkaroon daw siya ng girlfriend (for nine months) noong high school na apat na buwan niyang niligawan.
Sweet naman daw sila isa’t isa ng girl.
“Kulang yung baon ko, kulang yung baon niya. Binibigyan namin yung isa’t isa. Magkasundo kami sa mga kalokohan. Tatakas sa bahay ng hindi nagpapaalam. Iinom kami ng hindi alam sa amin,” kuwento ng binata sa isang video na ipinost ng ABS-CBN.
Pero noong nag-college na sila ay magkaiba na ang pinasukan nilang school. Hanggang sa may magbalita sa kanya na may ibang lalaki ang ka-holding hands ang dyowa niya.
Napatunayan daw niyang totoo ang chika kaya naghiwalay din sila. Sobrang nasaktan siya sa nangyari at ang tanong daw niya noon sa kanyang sarili ay, “Anong kulang sa mga ginawa ko? Nanghinayang din ako, pero okay lang. Kung nagawa niya nung una, baka gawin niya ulit.”
Samantala, kumalat naman sa social media ang mga picture nila ni Vice na kuha noong sila’y nasa Canada kung saan nag-concert ang Unkabogable Star.
Nakasama rin nila roon ang nanay ni Vice na si Rosario Viceral na mukhang botong-boto naman sa relasyon ng anak kay Ion. Hindi pa diretsahang umaamin ang dalawa sa kanilang relasyon pero ilang beses na nilang ibinandera sa publiko ang pagmamahal nila sa isa’t isa.