SA Nobyembre ang due date ni Mariel Rodriguez-Padilla para sa pagsilang ng ikalawang anak nila ni Robin Padilla.
Ayon sa TV host, ito rin ang buwan ng kapanganakan ng asawa’t panganay nilang si Isabella. Kaya ang biro namin, mukhang pinlano talaga nila ni Binoe ang kanyang pagbubuntis.
Anyway, nitong Miyerkules nang umaga ay nag-post si Mariel sa kanyang Facebook account na alam na niya ang gender ng pangalawang anak nila ni Binoe.
Aniya, “I already know the gender of my baby and I want to screaaaaaaam!!!!! So excited!!! I won’t share it yet because I will have a gender reveal. Only Castillo Amy (because hindi siya pumayag na hindi namin sabay tingnan yung results hahaha), my bestfriend Coco Galang and my ate Kaye Termulo-Garcia know.
“Ha ha ha! Not even Daddy Robin Padilla knows. It will be a surprise!!! God is so good. He knows what my Isabella needs.”
Tinext namin ang It’s Showtime host at sinabi namin kung ano ang aming hula sa gender ng bay number 2 nila ni Robin, pero ang sagot lang niya sa amin ay, “Hahahaha! Surprise.”
Masaya kami para kay Mariel dahil matagal na rin niyang gustong magkaroon ng kalaro si Isabella.