JAMES REID AT DANIEL PADILLA
ACTION-PACKED ang pagsasanib-puwersa nina Daniel Padilla at James Reid sa isang project. Pero hindi ito para sa isang action movie kungdi sa isang TV commercial!
Bongga ang location at lumabas na sa social media ang ilang behind the scenes ng shoot kaya naman na-excite ang kanilang mga fans.
Para ito sa brand ng softdrinks na ine-endorse ng dalawang aktor pero isa lang ang manufacturer.
Sa isang video na lumabas sa socmed, cool na cool ang shoot nila. May race cars silang ginamit at may drifting pa silang paandar, huh!
Trending sa Twitter ang gamit na hashtag na #DobleHataw! At dahil sa mainit na pagtanggap ng publiko sa pagsasamang ito nina James at Daniel, hindi malayong bigyan din sila ng acting project together.