KUNG sakaling mapili si Barbie Imperial bilang bagong Darna, baka siya raw ang unang gaganap sa iconic Pinay superhero na hindi pantay ang boobs.
Ibinalita ng dalaga na hindi siya nakapunta sa Darna audition dahil busy siya sa promo ng pelikulang “Finding You” ng Regal Entertainment na pinagbibidahan nina Jerome Ponce at Jane Oineza. Sinabihan naman daw siya about it pero hindi kinaya ng schedule niya.
Pero kung magkakaroon pa uli ng audition ay pupunta siya, “Siyempre sino ba ang tatanggi sa Darna, di ba? Pero parang mas gusto kong mag-Valentina. Alam ko kasing mabigat ang requirements sa Darna kaya kailangan super ready ka.”
Ang isa pa niyang concern ay ang kanyang boobs dahil hindi raw ito pantay kaya feeling niya hindi rin siya pwedeng maging Darna.
Kung matatandaan, may isang netizen na nakapansin na hindi pantay ang dibdib niya na sinagot naman daw niya ng, “Bakit, may pantay bang dede?”
Wala rin siyang balak na ipaayos o iparetoke ang kanyang boobs, “Sabi nga ng stylist ko, ‘napa-check mo na ba ‘yung dede mo?’ Sabi ko, bakit ko ipapa-check?”
Kaya kung magda-Darna siya, ang kaibahan lang niya sa ibang gumanap na Darna ay hindi pantay ang kanyang boobs. Sey ng dalaga, mas malaki raw ‘yung isa niyang boob kaysa sa isa.
“Basta hindi pantay. Boobs naman siya, pero medyo mas malaki ‘yung isa. Normal naman daw ‘yun,” natatawang chika pa ng Kapamilya actress.
So, talagang hindi siya payag magpa-enhance? “Hindi po. I mean, nothing against naman sa mga nagpapagawa, buhay naman nila ‘yun at nirerespeto ko, pero ako, praning kasi ako, eh. Baka feeling ko, puputok, mga ganu’n.”
Kung mapipili raw siya sa Darna pwede naman daw lagyan na lang ng foam or tela ‘yung isa para magpantay.
“Huwag na ipaayos,” natatawa pa niyang sambit.
Samantala, nagpapasalamat naman si Barbie kina Mother Lily at Roselle Monteverde ng Regal Films dahil isinama siya sa pelikulang “Finding You” kasama sina Jerome at Jane.
Aniya, ito raw kasi ang first movie niya kung saan ay marami siyang dialogue. Sa mga past movies daw kasi niya ay dinadaanan lang siya ng camera
Mapapanood na sa May 29 ang “Finding You” mula sa direksyon ni Easy Ferrer.