HONG JONG HYUN AT MINAH
KOREAN word of the week: “Jaebal” – sa Ingles ito’y “please” at sa atin naman ay “maaari ba?” o “paki naman.”
Mapapanood na simula May 15 ang bagong Korean drama ng aktor na si Hong Jong Hyun na Absolute Boyfriend. Makakasama niya sa seryeng rito ang magaling na aktres na si Minah.
Ang Absolute Boyfriend ay kuwento ng isang humanoid robot (Zero-Nine) na gagampanan ni Jong Hyun.
Makikilala niya si Uhm Da Da (Minah) na isang special effects artist na sawi sa pag-ibig, at muling magmamahal matapos makilala si Zero-Nine.
Kabilang sa mga K-drama ni Jong Hyun ang Her Lovely Heels (2014), na siyang first lead role niya, Enemies In-Law at Alice: Boy from Wonderland (2015); Moon Lovers: Scarlet Heart Ryeo (2016); The King in Love (2017); The Most Beautiful Daughter in the World (2019) at ang film na “Spring, Again.”