TRENDING at talagang pinag-usapan ng mga manonood ang pa-wet look ni Bianca Umali sa nakaraang episode ng GMA Telebabad series na Sahaya.
Aminado naman si Bianca na bukod sa makeover and transformation, may isa pang malaking pagbabago sa karakter niyang si Sahaya.
“Sana po abangan ng viewers kung paano magbabago si Sahaya. Kung gaano ka-drastic ang change na mangyayari sa kanya. Actually, this is my first show at character na may ganito karaming layers,” pahayag ni Bianca.
Tutok din daw sa development ng karakter niya si Direk Zig Dulay, “Sabi po ni Direk, gusto niyang makita kung ano ‘yung kayang gawin ni Bianca as Sahaya.”
Last week, pinag-usapan talaga ang makeover na ginawa ni Lindsay (Ashley Ortega) kay Sahaya. Bukod sa pagiging trending nito sa YouTube, wagi rin sa NUTAM People Ratings ang naturang episode.
Patuloy na tutukan ang mga pasabog na eksena sa Sahaya gabi-gabi after Kara Mia sa GMA Telebabad.
Alamin kung magkikita na ang mag-inang sina Manisan (Mylene Dizon) at Sahaya, pati na rin ang kaibigan niyang si Ahmad (Miguel Tanfelix).