ION PEREZ AT VICE GANDA
“I LOVE Vice Ganda!”
‘Yan ang diretsong ipinagsigawan ni Ion Perez sa harap ng madlang pipol sa ginanap na concert ng Unkabogable Star sa California, USA. Isa si Kuya Escort sa mga special guests ni Vice sa nasabing concert na talaga namang tinilian din ng audience.
At dahil dito, mas lalo pang napagtibay ang usapin tungkol sa relasyong namamagitan kina Vice at Ion. Kahit na raw hindi umamin ang dalawa sa real score ng kanilang love affair, sure na sure na raw na magdyowa na sila.
Patunay pa rito ang pagkalat ng sweet photos ng dalawa sa social media kung saan kitang-kita ang kakaibang glow sa itsura ni Vice. May isa pa ngang video na naka-post sa Instagram kung saan makikita kiniliti ni Vice si Ion sa batok matapos magpa-picture sa ilang fans.
Samantala, sa second leg nga ng “Ang Fantastic Concert ng Vaklang Twoooh” sa Pechanga Resort Casino, si Ion na mismo ang nagsabing mahal na mahal niya si Vice.
Sa isang video na kuha sa nasabing concer, isang member ng audience ana sumigaw ng “I love you Vice!” Sinagot naman ito ni Ion ng, “Me too, me too. Yeah, I love Vice Ganda!” Talagang tilian at palakpakan ang audience sa venue matapos umamin si Kuya Escort.
Mas kinilig pa ang followers nina Ion at Vice sa social media nang mag-post sa Instagram Stories ang binata ng ilang photos nila ng TV host-comedian kasabay ng isang makahulugang mensahe na tila patama sa mga taong nangnenega sa relasyon nila ni Vice.
Aniya, “Matang mapang husga hayaan mo sila importante puso mo’y masaya #Valakayojan.”
Last Friday, ipinakilala rin ni Ion si Vice sa kanyang kapatid na babae na nakatira na ngayon sa Amerika.