Ayon sa Philippine Charity Sweepstakes Office walang tumama sa P125.4 milyong jackpot prize sa bola noong Miyerkules Santo. Walang bola ng lotto mula Huwebes Santo hanggang Easter Sunday.
Ang lumabas na winning number combination sa huling bola ay 42-07-25-39-24-43.
Nanalo naman ng tig-P147,830 ang pitong mananaya na nakalimang numero. Ang 578 mananaya na nakakuha ng apat na numero ay nanalo ng tig-P1,430 at balik naman ang P24 taya ng 11,999 mananaya na nakatatlong numero.
Ang premyo na mahigit P10,000 ay pinapatawan ng 20 porsyentong buwis alinsunod sa Tax Reform for Acceleration and Inclusion.
Ang Grand Lotto ay binobola tuwing Lunes, Miyerkules at Sabado.