Bus vs. motor; 2 patay | Bandera

Bus vs. motor; 2 patay

John Roson |April 16,2019
facebook
share this

Bus vs. motor; 2 patay

John Roson - April 16, 2019 - 06:28 PM

PATAY ang dalawang lalaki nang masalpok at makaladkad pa ng pampasaherong bus ang sinakyan nilang motorsiklo, sa Santiago City, Isabela, nitong Lunes.

Itinakbo pa sa pagamutan ang di pa kilalang driver ng motor at angkas niyang si Marc Carlo Baccay, 26, ngunit kapwa di na umabot nang buhay, ayon sa ulat ng Cagayan Valley regional police.

Naganap ang insidente dakong ala-1:30 ng umaga, sa bahagi ng Maharlika Highway na sakop ng Purok Paraiso, Brgy. Batal.

Patungo ang motor sa direksyon ng city proper, nang masalpok ng EMC LBS bus (AIA-1719) na dala ni Ramil Valdez, 46.

Nakaladkad pa nang halos 200 metro ng bus ang motor, kasama ang driver nito, habang ang angkas ay naiwan sa pinagsalpukan, ayon sa ulat.

Lumabas sa imbestigasyon na pumasok sa kabilang lane ang bus kaya nasalpok ang motor.

Natagpuan ang debris ng motor at nagkapira-pirasong laman sa lane nito, ayon sa pulisya.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending