Arci sa BF: Sana mag-propose siya sa akin sa Disneyland…

Kaaliw talaga si Arci Muñoz. Talagang diretsahan niyang sinabi sa isang panayam na kung magpo-propose raw ang kanyang boyfriend, sana raw ay sa Disneyland.

Inamin ng Kapamilya actress na napag-uusapan na rin nila ni Anthony Ng ang kanyang dream wedding.

“Oo, pati proposal. Kasi kapag hindi siya nag-propose sa dream proposal ko, ako ang magpo-propose,” chika ni Arci.

“Tsaka gusto ko sa church wedding talaga. O, kaya sa Disneyland yung proposal. Pag di ka pa nag-propose, ewan ko na lang,” natatawa pang sey ni Arci sa nasabing interview.