PATAY ang isang guro mula sa Bataan Peninsula State University (BPSU), samantalang sugatan naman ang limang iba pa nang banggain ng isang kotse ang kanilang sinasakyang tricycle sa kahaban ng Roman Highway, Abucay, Bataan Martes ng gabi.
Sa naantalang ulat, sinabi ng pulisya na nasawi si Desiree Gruela, 42, habang ginagamot sa Bataan General Hospital and Medical Center.
Sugatan naman sina Rodolfo Gruela, Jr., 43; John Desir Gruela, 17; Josh Deric Gruela, 10; Paul Adrian Liquin, 9; at Rhenz Mark Matacot, 8.
Sinabi ng pulisya na papuntang Balanga, Bataan ang driver ng Toyota Fortuner, na si Mario Supnad, new correspondent ng Manila Bulletin, nang mabangga niya ang tricycle na minamaneho ni Rodolfo Gruela.
Iginiit naman ni Supnad na hindi ang kanyang sasaktan, kundi isang Nissan Patrol wagon, na nasa kabilang lane ang nakabangga sa tricycle.