Halos P100M jackpot ng Super Lotto sa Linggo

WALANG tumama sa P93.1 milyong jackpot prize ng Super Lotto 6/49 sa bola noong Huwebes ng gabi.

Ayon sa Philippine Charity Sweepstakes Office walang tumaya sa winning number combination na 14-16-28-17-23-37.

Sa bola sa Linggo ay lalapit sa P100 milyon ang jackpot prize.

Nanalo naman ng tig-P54,080 ang 16 mananaya na nakakuha ng limang lumabas na numero.

Tig-P800 naman ang 861 mananaya na nakakuha ng apat na numero at balik ang P24 taya ng 17,059 na nakatatlong numero.

Ang mga premyo na mahigit P10,000 ay pinapatawan ng 20 porsyentong buwis alinsunod sa Tax Reform for Acceleration and Inclusion.