WALANG tumama sa P107.1 milyong jackpot prize ng Grand Lotto 6/55 sa bola Lunes ng gabi.
Ayon sa Philippine Charity Sweepstakes Office walang mananayang nakakuha sa winning number combination na 09-47-42-43-50-21.
Sa bola sa Miyerkules ay inaasahang lalagpas na sa P110 milyon ang jackpot prize.
Nanalo naman ng tig-P200,000 ang tatlong mananaya na nakakuha ng limang lumabas na numero.
Tig-P2,620 naman ang 310 mananaya na nakaapat na numero at balik ang P24 taya ng 7,699 mananaya na nakatatlong numero.
Ang Grand Lotto ay binobola tuwing Lunes, Miyerkules at Sabado.
Noong Enero 23 pa walang tumatama ng jackpot prize sa Grand Lotto. Huling tinamaan ang jackpot prize noong Enero 21 at nagkakahalaga ito ng P239.2 milyon.
Ang premyo sa lotto na nagkakahalaga ng mahigit P10,000 ay pinapatawan ng 20 porsyentong buwis alinsunod sa Tax Reform for Acceleration and Inclusion.