JAYA
KILIG na kilig pala ang Soul Diva na si Jaya sa magka-loveteam na sina Maymay Entrata at Edward Barber.
Ito ang inamin ng singer sa Tonight With Boy Abunda, isa raw siyang certified MayWard fan, “Yung mga anak ko kasi faney ng MayWard. Kapag gabi nanonood kami ng PBB. But I really really like these two as yung normal nila, as themselves. Mabait, grabe yung Maymay at Edward.”
Nagulat naman si Jaya nang magbigay ng video message sa kanya ang dalawang Kapamilya youngstars.
Ani Maymay kay Jaya, “Kahit nasa ganitong level na po siya pero pagkausap niyo po siya, hindi niya ipapa-feel sa inyo na diva siya.”
Sey naman ni Edward, “It’s such a great feeling that we have someone supporting us who’s as experienced and talented and as good as she is.”
Hirit uli ni Maymay, “Maraming salamat Ms. Jaya. Ka-church mate din namin siya. We love you Ms. Jaya. Mahal na mahal ka namin at sa pamilya niyo din po. You inspire us a lot.”
Binati rin ng MayWard si Jaya ng happy birthday at happy 30th anniversary.
Sagot naman ni Jaya sa magka-loveteam, “Love you May and Edward. They’re so real and humble.”