GABBY CONCEPCION AT JENNYLYN MERCADO
NGAYON pa lang ay inaabangan na ang teleseryeng pagbibidahan for the first time ng Kapuso Ultimate Star at RomCom Queen na si Jennylyn Mercado at award-winning actor na si Gabby Concepcion.
Can’t wait na ang Kapuso viewers sa loveteam nina Gabby at Jen upcoming primetime series na Love You Two.
“Malaki ang aking excitement and siyempre feeling ko parang tumama na rin ako ng lotto. Very blessed ako, tulad ng madalas kong sabihin, nothing to complain about everything. Katulad nito, may bagay na hindi ko inaasahan pero nangyayari, binibigay sa ‘yo,” pahayag ni Gabby.
Gaganap naman bilang ka-love triangle nina Gabby at Jen sa serye ang Kapuso leading lady na si Shaira Diaz. Kuwento pa ni Gabby about his new series, “Kaya Love You Two kasi magkakagusto ‘yung younger sister sa older character ko tapos magkakaroon sila ng conflict pero since romcom siya, light ang approach.”
Abangan ang pagsisimula ng bagong pampa-good vibes at pampakilig tuwing gabi sa Love You Two sa GMA Telebabad!