Grand Lotto jackpot aabot na ng P90M

INAASAHANG aabot sa P90 milyon ang jackpot prize ng Grand Lotto 6/55 sa bola ngayong Sabado.

Ito ay matapos na hindi tamaan ang winning number combination na 47-10-44-09-01-18 sa bola Miyerkules ng gabi, ayon sa Philippine Charity Sweepstakes Office. Umabot ang jackpot sa P86 milyon.

Huling tinamaan ang jackpot prize ng Grand Lotto noong Enero 21. Nagkakahalaga ito ng P239 milyon at tinamaan ng isang mananaya sa Cebu City.

Ang Grand Lotto ay binobola tuwing Lunes, Miyerkules at Sabado.