RONNIE ALONTE AT LOISA ANDALIO
KUNG nasa mundo lang ng pulitika si Loisa Andalio ay puwedeng sabihing may grupo talagang nakahandang wasakin ang kanyang career. Palagi kasi siyang inilalagay sa kahiya-hiyang sitwasyon.
Nu’ng una ay pinagbintangan siyang playgirl, magkarelasyon na nga sila ni Ronnie Alonte ay pumapatol pa rin siya sa ibang lalaki, inilarawan ang young actress na walang kasiyahan sa isang boyfriend lang.
Ngayon naman ay sa isang sex video idinadamay ang pangalan ni Loisa Andalio, siya ang itinuturong babae sa video na nilalapirot ang magkabila niyang dibdib, habang meron daw siyang ka-chat.
Nakakaawang batang aktres, palagi na lang siyang isinasangkot sa mga walang katuturang isyu, wala siyang natatandaang taong sinaktan niya sadya man o hindi para gawan siya ng ganito katinding kahihiyan.
Mabuti na lang at marami siyang kaibigang nagtatanggol sa kanya, pati ang mga kapwa niya mga artista ay hindi naniniwalang siya ang babae sa video, lalo na ang kanyang boyfriend na si Ronnie.
Sa panahong ito na pati ang mukha ng iba ay naikakabit sa katawan ng kahit sino, sa mga sandaling ito na may kamukha lang ang isang personalidad ay puwede nang palabasing siya mimso ‘yun, ay hindi na nakagugulat ang mga isyung ibinibintang kay Loisa Andalio.