SSS contribution itataas na sa Abril

IPATUTUPAD na sa Abril ang mas mataas na kontribusyon sa Social Security System.

Mula sa 11 porsyento, ang ikakaltas na sa mga empleyado at babayaran ng employer ay 12 porsyento na kada buwan.

Ang pagtataas ay alinsunod sa Social Security Act of 2018 na nilagdaan ni Pangulong Duterte noong Pebrero.

Ayon kay Voltaire Agas, senior vice president for legal and enforcement group, ang dagdag na isang porsyento ay resonable upang mapaganda lalo ang serbisyo ng SSS sa mga miyembro at benepisyaryo nito.

Sa kasalukuyan ang mga miyembro na nasa ilalim ng salary credit na P10,000 ang ikinakaltas sa suweldo ng empleyado ay P363 at ang share ng employer ay 737.

Sa Abril ang ikakaltas na sa empleyado ay P400 at P800 naman ng employer’s share.