BIGLANG nawala si JK Labajo sa ginanap na mediacon para sa announcement ng mga nominado sa MYX Music Awards 2019.
Maagang dumating ang controversial singer pero hindi pa nagsisimula ang presscon ay umalis na siya agad.
Ang paniwala ng mga manunulat, TV reporters at bloggers na nasa event, baka iniwasan niyang makasama sa stage si Darren Espanto na may tatlong nominasyon sa MYX Music Awards this year.
Umuusok pa kasi ang mga isyu about JK, lalo na ang tungkol sa pagmumura niya sa “2019 Rakrakan” kamakailan dahil sa paulit-ulit na pagsigaw ng isang nasa audience ng “I love you Darren!”
Bukod kay Darren, bulung-bulungan din ang listahan ng nominasyon ng MYX Music Awards.
Baka raw kasi napansin ni JK or whoever sa mga namamahala ng kayang career na iisa lang ang nakuhang nominasyon ng hottest singer today at ‘yan ay sa Song of the Year category para sa awitin niyang “Buwan.”
But we would like to give JK the benefit of the doubt, baka may iba pa siyang mahalagang dahilan kaya siya umalis agad sa event and hopefully, walang kinalaman si Darren.