ISANG lalaki ang nasawi at 11 pa katao, kabilang ang ilang bata, ang nasugatan nang sumalpok ang sports utility vehicle sa palaruan ng isang mall sa Carmona, Cavite, Miyerkules ng hapon.
Labindalawa kaatao ang itinakbosa pagamutan, ngunit di na umabot nang buhay si Rollen Sartiel, 22, ayon sa ulat ng Cavite provincial police.
Nilapatan ng lunas ang 11, na kinabibilangan ng apat na batang may mga edad 6, 4, at 3.
Naganap ang insidente dakong ala-1:25, sa Waltermart-Carmona.
Ipinaparada ni Rosendo Mamucod, 66, ang dala niyang Mitsubishi Montero sa parking slot para sa mga taong may kapansanan, nang bigla itong bumulusok patungo sa mall at sumalpok sa Fun House gaming area, ayon sa ulat.
Inaresto si Mamucod at kasalukuyang iniimbestigahan.