ALDEN RICHARDS AT MAINE MENDOZA
HOLY Land-bound sina Alden Richards at Maine Mendoza para sa Eat Bulaga Lenten drama special na gagawin nila roon.
Wala pa kaming detalye kung sinu-sino ang kasama nila sa episode pero kinumpirma sa amin ni Rams David, manager ni Maine na magkasama sa isang episode ang dalawa.
Good news na naman ito para sa AlDub Nation dahil after ng episode na ginawa nina Alden at Maine para sa Daddy’s Gurl na talagang nag-trending at nakakuha ng napakataas na rating ay muli ngang magsasama ang magka-loveteam.
Pinatunayan lang nina Alden at Maine na kahit na kahit maraming nagsasabi na laos na ang AlDub ay matindi pa rin ang magic ng kanilang loveteam. At siguradong masaya ang dalawang Eat Bulaga Dabarkads dahil marami pa rin ang sumusuporta sa kanila until now.
‘Yung ibang episode naman ng Eat Bulaga Holy Week specials ay iti-tape sa Hong Kong at Japan ayon sa nakuha naming impormasyon.