Bagyong Wutip bumagal pero napanatili ang lakas

BUMAGAL ang bagyong Wutip habang papalapit sa Philippine Area of Responsibility pero napanatili nito ang lakas at bilis ng hangin.

Ayon sa Philippine Atmospheric Geophysical and Astronomical Services Administration ang bagyo ay nasa layong 1,875 kilometro sa silangan ng Visayas.

Ang hangin nito ay umaabot sa 185 kilometro bawat oras ang bilis at pagbugsong 225 kilometro bawat oras.

Umuusad ito sa bilis na 10 kilometro bawat oras patungong hilagang kanluran.

Wala pang direktang epekto ang bagyo sa bansa at maliit ang tyansa na ito ay pumasok sa PAR.