IIMBESTIGAHAN ng Department of Education ang pagkalat umano sa social media ng test item na ibinigay sa Basic Education Exit Assessment noong Pebrero 13 at 14.
Hindi umano sinagutan ng tama o hindi maayos ang pagkaka-shade ng naturang test sheet.
Sa tanong kung ano ang plano pagkatapos magtapos ng Senior High School makikita sa larawang naipost sa Facebook na ‘Getting Married’.
Ang shade naman na ginawa sa answer sheet ay hugis puso.
Ipinaalala ng DepEd na sa ilalim ng Order no. 55 series of 2016 ay dapat pangalagaan ang seguridad at integridad ng test materials.
“Included in the violations strictly prohibited by the Order are the capturing of test items through electronic gadgets, and the distribution and posting of photos of the test booklet in any form of media,” saad ng DepEd