MEGAN YOUNG
KAPUSO pa rin ang StarStruck II alumna at Miss World 2013 na si Megan Young. Muli siyang pumirma ng exclusive contract sa GMA Network kamakailan.
Ayon kay Megan, proud siya bilang Kapuso dahil dito nagsimula at natupad ang kanyang pangarap na maging artista.
“Of course, dito ako sa GMA nagsimula so it’s nice to be here with my family. Last year, naging busy talaga ako dahil sa The Stepdaughters. I’m really thankful to GMA for giving us a program that would showcase our talent.
“This year, I’m looking forward to something different. I don’t mind doing another Afternoon series kasi nag-enjoy ako. But I’m also looking forward to hosting jobs this year,” aniya pa.
Present sa kanyang contract signing sina GMA Chairman and Chief Executive Officer Atty. Felipe Gozon, GMA Executive Vice President and Chief Financial Officer Felipe Yalong, GMA Entertainment Group’s Senior Vice President Lilybeth Rasonable, GMA Senior Assistant Vice President for Alternative Productions Gigi Santiago-Lara, at si Arnold Vegafria, manager ni Megan.
Successful ang huling serye ni Megan sa GMA, ang top-rating Afternoon Prime series na The Stepdaughters kasama ang kanyang boyfriend na si Mikael Daez at si Katrina Halili. This time around, she wants try light dramas and romantic comedies for her next project.
“Ang gusto ko talaga yung mga romcom. Pero never pa ako nakagawa ng ganito. Hilig ko talaga yung mga Koreanovela. So that’s kind of my dream. I know some people aspire for heavy roles pero ako I love the lightness and endearing moments of Koreanovelas.
“So maybe a story like that is something I look forward to. I also love anime na gagawing live action. I’ve never done anything like that,” aniya.
Happy naman si Atty. Gozon sa muling pagpirma ng kontrata ni Megan sa GMA, “Si Megan naman, hindi lang siya isa sa pinakamagagandang artista natin dito. Kaya tayo ay natutuwa na siya ay nag-renew uli ng kontrata sa atin sapagkat sa tingin ko, malayo pa ang mararating niya sa showbiz.”
Ayon naman kay Lilybeth Rasonable, “Siyempre iniisipan na natin siya ng susunod niyang soap. Kasi di ba, very successful ang The Stepdaughters na almost one year na tumakbo.
“So happy tayo sa performance niya dun. She showed na magaling siya sa drama. Ang layo na ng inimprove niya from before. So we want to do more of that. And yes, she’s also a good host,” dagdag pa ng TV executive.