MAINE MENDOZA AT ALDEN RICHARDS
NAG-TWEET agad si Maine Mendoza sa pagbabalik niya sa bansa matapos ang ilang araw niyang paglalamiyerda with matching work na rin New York City.
“Back in Manila! Nakaka-miss yung init (barangay girl here) pero ‘yung traffic hindi,” tweet ni Maine kahapon.
Super-lamig nang dumating si Meng sa New York para sa bagong collaboration niya with a global brand ng cosmetics. Kaya siyempre, nanibago siya sa init ng klima sa Pilipinas lalo na’t parating na rin ang summer sa bansa.
Anyway, hindi nagkrus ang landas nila ni Alden Richards sa Eat Bulaga yesterday tulad ng inaasahan ng AlDub Nation.
Lumipad kasi patungong Iceland ang Pambansang Bae kasama ang Eat Bulaga Vice President for Creative na si Jenny Ferre.
Anuman ang rason ng pagpunta ni Alden sa Iceland, eh siguradong lamig din ang haharapin niya habang nandoon. Ibig bang sabihin nito, hindi talaga magkakasama sa Valentine episode ng Eat Bulaga ang AlDub?