Kasal, next year (2)

Sulat mula kay Carmi ng Barangay Palao, Kolambugan City
Prolema:  
1      Next month, apat na taon na kaming nagsasama ng lalaking minahal ko.  May anak na kami. Lagi kong tinatanong sa kanya kung kailan kami magpapakasal, pero wala pa raw ito sa plano niya. Gusto kong makasal kami para maging legal ang aming pagsasama at isa pa, ayaw kong lumaki nang walang legal na ama ang aking anak. Kaya sa darating na anibersaryo namin,  balak kong yayain na siyang magpakasal.
2. Nais ko lang itanong kung may pag-asa kayang matupad ang pangarap kong ito, ang lumakad ng naka-wedding gown sa altar at maging legal na asawa ang lalaking kinakasama ko ngayon.  December 1, 1984 ang birthday ko at August 16, 1980 naman ang lalaking kinakasama ko.
Umaasa,
Carmi ng Barangay Palao, Kolambugan City
Solusyon/Analysis:
Astrology:
Ang zodiac sign mong Sagittarius (Illustration 2.) at Leo naman ang lalaking iyong kinakasama ay nagsasabing compatible at tugma nga kayong dalawa, kung saan, maaaring ang kinaiinipan mong kasalan ay maganap sa buwan ng Hulyo hanggang Agosto sa susunod na taon.
Numerology:
Ang birth dates ninyo ay nagsasabing bukod sa tugma kayo sa Astrology, tugma din kayo sa Numerology, dahil ang 12 ay 15 ay kapwa divisible by 3. Ibig sabihin compatible na compatible nga kayo, kaya naman sa taon 2014, tulad ng nasabi matutupad ang pangarap mong kasal.
Luscher Color Test:
Sa araw ng kasal mapalad na motif ang kulay na pula o kaya’y lila, o violet sa nasabing kulay, tuloy-tuloy na pagpapalain at susuwertehin ang inyong samahan.
Huling payo at paalala:
Carmi, mapalad ka, dahil tiyak na ang magaganap, kapag sinabihan mong muli ang inyong ka-live tungkol sa gusto mo na ng kasal, kusa niyang tutuparin ang  iyong kagustuhan, upang pagsapit ng 2014, magiging abala na kayo kapwa sa paghahanda sa araw ng inyong kasal na nakatakda namang maganap sa nasabing taon sa buwan ng July ihaharap ka sa altar ng lalaki at makakasama mo sa pagbuo ng maligaya at panghabambuhay na pamilya.