TANONG ng mga netizens: Buntis na ba uli si Heart Evangelista?
Nag-post kasi ang Kapuso actress ng isang intriguing message sa kanyang Instagram kung saan sinabi nito na meron siyang secret na hindi pa niya pwedeng ibandera.
Isang photo ang in-upload niya sa IG kung saan makikita siyang kaharap ang estatwa ng isang anghel.
“I’ve got a major secret and I can’t wait to tell you about it! I’ll keep my lips zipped for now,” aniya sa caption.
Sunud-sunod ang nagkomento sa IG post ni Heart at karamihan sa kanila ay nagtanong kung pregnant na uli siya. Comment pa nga ni @wenaservaldez, “Pregnant si Heart, isa siya na hinulaan sa Unang Hirit na mabubuntis this year!”
Pero mabilis na sumagot ang aktres na hindi siya buntis at iba ang tinutukoy niya sa kanyang post.
Tanong naman ng isa niyang fan kung tungkol ito sa part 2 ng Hollywood movie na “Crazy Rich Asian” o sa Pinoy version ng hit Korean series na Descendants Of The Sun dahil may mga chika na sila ni Alden Richards ang pagtatambalin sa nasabing programa.
Sey ni @shareitornever, “R you going to be the Dr. Song Hye Kyo sa Descendants of the Sun PH version sa GMA? Sobrang bagay po sa inyo…I WONDER WHO THE GUY WOULD BE.”
Chika naman ni @koreanney, “Hollywood movie? sana pls! And i wish you are the lead star of #DOTSRemake.”
Ayon naman sa isang netizen, “Siguro naman hindi na magagalit ang AlDub fans kung sina Heart at Alden ang pagtambalin sa remake ng Descendants of the Sun!”