SA taong ito, walang duda, ang sigaw ng buong Pilipinas tuwing Linggo ng gabi…i-KMJS na yan!
Kaya bago matapos ang 2018, babalikan ng Kapuso Mo, Jessica Soho ang ilang istorya nito na talaga namang pinag-usapan at naging trending!
Muling maantig sa istorya ng Belgian national na si Caroline Van Gils na hinahanap ang Pilipinang inang nagpaampon sa kanya mahigit tatlong dekada na ang nakakaraan.
Maninindig muli ang inyong balahibo sa misteryosong batuhan ng bato sa Cabanatuan na nagpakontrobersyal sa nagsiyasat ditong paranormal investigator – si Ed Caluag.
Pasyalan din uli ang napakagandang isla ng Balabac sa Palawan.
Kung travel goals naman ang hanap, muling balikan ang biyahe ng KMJS sa Iceland! At siyempre, pwede muling sumama sa paglipad ng KMJS team sa Turkey!
Abangan lahat ng iyan sa Kapuso Mo, Jessica Soho ngayong Linggo, Dece. 30, sa GMA 7.