KOREAN word of the week: “Jeog-eo juseyo” – sa Ingles ito’y nanga-ngahulugan ng, “Please write it down.”
q q q
Bibida ang isa sa mga lead actors ng blockbuster Korean drama na Descendants of the Sun na si Jin Goo sa remake ng Japanese series na Legal High.
Makakasama ni Goo ang isa sa mga bida ng isa pang Korean hit series na My Golden Life na si Seo Eun Soo.
Kwento ito ng dalawang magkaibang ugali na abogado. Gaganap si Goo bilang Go Tae Rim na 100% naipapanalo lagi ang mga kaso dahil marunong siyang makipaglaro sa batas habang si Eun Soo naman ay si Seo Jae In, isang baguhang abogado na naniniwala sa pagpapairal ng batas at hustisya.
Magiging mag-partner sila bilang abogado at dito na iikot ang kanilang love story. Nakatakdang mapanood ang Legal High sa Pebrero, 2019.