Bossing binigyan ng house and lot ang sugod-bahay winner

GULAT na gulat ang nanalo sa Sugod Bahay dahil hindi lang siya maswerteng nabigyan ng mga pasalubong ng mga Dabarkads, binigyan pa sila ng bahay ni Bossing Vic Sotto.

Bukod sa house and lot ay sinamahan pa ni Bossing ng bagong gamit at appliances mula sa kanilang mga sponsors.

Noong una ay hindi makapaniwala ang lucky winner at tinanong pa nya si Vic kung totoo ba ito na sinagot naman ni Bossing na oo at totoo.

Sinabihan pa nya ang mga Dabarkads sa Sugod Bahay na samahan na agad ang winner para mag-empake patungo sa bagong bahay. Kitang kita naman sa camera ang pagtulong ni Ryan Agoncillo na mag-empake ang pamilya.

Anyway, ngayon ang unang araw ng paglipat ng Eat Bulaga mula Broadway sa bago nitong bahay sa Cainta, Rizal.