“KAPAG hindi pa nag-asawa si KC (Concepcion) magpapabuntis ako uli para may baby sa bahay, nakakahiya naman, di ba?”
Ito ang birong sabi ni Sharon Cuneta sa mediacon ng pelikula nila ni Richard Gomez na “Three Words To Forever” mula sa Star Cinema na idinirek ni Cathy Garcia-Molina.
Naikuwento ng singer-actress na sabik na siyang magkaroon ng apo mula sa pa-nganay niya at hinihintay na lang daw niya kung kailan ang kasal dahil handa na rin daw ang isusuot niya.
Botong-boto si Sharon sa French boyfriend ni KC na si Pierre Plassart na kasalukuyang nasa bansa. Iniikot nila ngayon ang ilang tourist spots sa Pili-pinas.
Kuwento ni Sharon, “Oh my God, if I could have met someone like Pierre also when I was younger, it would have been so perfect. He is so perfect for her (KC).
“Relax lang ‘yung anak ko, which I’m happy about. Kasi, she’s not in any rush, she’s not pressured and she’s really enjoying every moment of happiness that she spends with Pierre.
“They have their own (lengguwahe), when you watch them together, they’re like ‘nakakatawa ‘tong dalawang ‘to’ parang may sarili silang language na magtitinginan lang tapos magtatawanan. I’m happy, I’m very happy for them,” sabi ni Mega.
Samantala, nabanggit din ng Megastar na hanggang ngayon ay dala-dala niya ang bigat sa dibdib dahil kinulang siya ng oras at atensyon kay KC, “Ang parang na-shortchange pagdating sa oras at atensyon was KC and up to this day, dala-dala ko ‘yon, it’s very heavy in my heart.
“I raised her to be independent and then she taught herself to become much more independent. So, sometimes you wish that she was a bit more like Frankie or Miel or Miguel na mas kailangan ka pa nang konti,” aniya pa.
Going back sa pelikulang “Three Words To Forever”, mapapanood na ito sa Nob. 28 nationwide at kasama rin dito sina Freddie Webb, Liza Lorena, Joross Gamboa at Kathryn Bernardo.