BUMAGSAK ang helicopter na sinasakyan ng isang kongresista sa Tarlac.
Masuwerte namang nakaligtas si COOP NATCCO Rep. Anthony Bravo na nagtamo lamang ng mga galos.
Kasama sa biyahe si dating House Secretary General Cesar Pareja na kasama sa biyahe.
Ayon kay Pareja pa-landing na ang helicopter sa Crow Valley sa Tarlac ng magkaroon ng problema ang helicopter.
Sinabi ni Pareja na nagtamo ng sugat sa ulo ang kanilang piloto at ang co-pilot naman ay nagtamo ng bali sa braso.
Nagtamo rin ng mga galos si Pareja gaya ng iba pang pasahero.
Dinala sa ospital ang mga sakay ng helicopter upang muling masuri.
May dadaluhang aktibidad ng Armed Forces Reservists ang mga sakay ng helicopter.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.