P68.4M jackpot nakuha sa Angono

SA Angono, Rizal tumaya ang nanalo ng P68.4 milyong jackpot prize ng Super Lotto 6/49 sa bola Martes ng gabi.

Ayon sa Philippine Charity Sweepstakes Office tumaya sa lotto outlet sa ML Quezon Ave., San Pedro, Angono, ang nakakuha ng winning number combination na 26-24-15-14-18-13.

Mayroong isang taon ang nanalo upang kunin ang kanyang premyo sa main office ng PCSO. Babawasan ang premyo ng 20 porsyentong buwis.

Nanalo naman ng tig-P40,360 ang 21 mananaya na nakalimang numero.

Tig-P560 naman ang 1,198 mananaya na nakaapat na numero at P20 ang tinamaan ng 19,149 mananaya.

Ang Super Lotto ay binobola tuwing Martes, Huwebes at Linggo.