Xi Jinping dumating na sa PH para sa 2 araw na state visit

DUMATING na si Chinese President Xi Jinping sa Maynila para sa dalawang araw na state visit, ang kanyang kauna-unahang pagbisita sa Pilipinas sa ilalim  ng administrasyon ni Pangulong Duterte.

Lumapag si Xi sa Ninoy Aquino International Airport (Naia) ganap na alas-11:30 ng umaga matapos ang kanyang biyahe sa Brunei Darussalam.

Tumuloy si Xi, para sa isang wreath-laying ceremony sa Rizal Park.

Tutuloy si Xi para sa welcome ceremony sa Malacanang na pangungunahan ni Duterte.

Isang bilateral meeting sa pagitan ni Duterte at Xi’ ang nakatakdang isagawa at pagkatapos ay ang State banquet sa Malacañang.