ZIA DANTES, MARIAN RIVERA AT DINGDONG DANTES
IBINUKING ni Marian Rivera na may special participation din siya sa filmfest movie na “Fantstica.”
Bida rito sina Vice Ganda, Richard Gutierrez at ang asawa niyang si Dingdong Dantes.
Minsang bumisita sa set ng movie si Yan, at hindi naitago ni Vice ang lubos niyang paghanga sa kagandahan ni Mrs. Dantes, huh! Malayung-malayo raw kasi ang ganda niya sa Kapuso Primetime Queen!
Anyway, sa huling pakikipag-usap ng press kay Marian sa launching ng endorsement niyang Mega Prime Tropical Fruit Cocktail, nasabi niyang meron ng Christmas decorations sa bahay nila simula pa nu’ng Nov. 4.
“Love kasi ni Zia ang Christmas. Nagtatanong na siya kung kelan kami maglalagay ng decorations nu’ng November 1 pa. Kaya hayun, maaga kaming nagkabit,” pahayag ni Marian.
Kahit buntis, si Yan pa rin ang magluluto ng mga ihahanda nila sa Pasko. Pero sasaglit muna sila sa Tokyo, Disneyland para sa fourth birthday celebration ni Zia sa Nov. 23 na siyang wish talaga ng bagets sa kanyang kaarawan.