Koreano sugatan nang salpukin ng UV ang 3 taxi

SUGATAN ang isang Korean national na nabangga ng isang UV Express na minamaneho ng isang lasing, habang naghihintay ng masasakyan sa Quezon City kaninang umaga.

Nagtamo ng sugat sa ulo at katawan ang biktimang si San Yung Ma.

Nanlaban naman sa mga pulis ang driver na si Dennis Balucan nang hulihin ng mga rumespondeng pulis.

Alas-2 ng umaga nang banggain ni Balucan ang tatlong taxi na nakaparada sa Timog Ave., alas-2 ng umaga. Nakatayo sa labas ang Koreano na naghihintay ng masasakyan.

Ayon kay Lucinero Elle nakainom siya at ang suspek. Nakiusap umano ito kay Elle na siya na ang magmamaneho. Gusto umano niyang magpraktis upang matutong magmaneho.