Du30 hindi na tatapusin ang APEC sa Papua New Guinea

INIHAYAG ng Palasyo na mapapaaga ang pag-uwi ni Pangulong Duterte sa bansa matapos namang magdesisyon hindi na tapusin ang dinadaluhang Asia Pacific Economic Conference (APEC) sa Papua New Guinea.

Kinumpirma ni Communications Undersecretary Mia Reyes na hindi na dadalo si Duterte sa ikalawang araw ng APEC na nakatakda sa Linggo.

“Please be informed that PRRD(Duterte will leave PNG (Papua New Guinea) on November 17 at 11:15 pm, and (sic) arrive in Davao City on November 18 at 3:15 am,” sabi ni Reyes.

Wala namang ibinigay na dahilan ang Malacanang.

Idinagdag ni Reyes na hindi na rin magbibigay ng arrival statement si Duterte pagdating ng Linggo sa Davao City.

Base sa naunang iskedyul na inilabas ng Malacanang, kabilang sa mga hindi dadaluhan ni Duterte sa APEC sa Linggo ay ang Leaders Arrival, Leaders’ Official Family Photo, IMF Informal Dialogue with Leaders, Leaders Retreat 1 at Leaders’ Working Lunch.