2 patay sa pag-inom ng lambanog sa Tarlac

DALAWA ang nasawi habang ginagamot sa isang ospital matapos na uminom ng lambanog, na posibleng hinaluan ng lason, ayon sa pulisya.

Sinabi ng mga otoridad na uminom sina Edelito Sicat, 44, at Edgardo Sicat, 69, ng lambanog kasama ang anim pang mga kamag-anak at kaibigan, ganap na alas-11:30 ng umaga noong Nobyembre 14 sa Barangay Aranguren, at kinabukasan ay nakaramdam ng matinding pananakit ng ulo at pagkahilo, kasama sina Zoren Sicat, 27, at Jasper Sicat, 18,

Dinala ang apat na biktima sa iba’t ibang ospital sa Tarlac.

Inaalam pa ng mga imbestigador kung hinaluan ng lason ang lambanog.

Sinabi ng pulisya na galing ang lamanog kay Randy Tiamzon, 42, na kanyang binili mula sa bayan ng Magalang, Pampanga noong Nobyembre 2.