DALAWANG tao, kabilang ang isang 7-anyos na batang babae, ang nasawi habang isa pa ang nasugatan nang pagbababrilin ng mga di pa kilalang salarin sa Batangas City, Miyerkules ng gabi.
Nakilala ang mga nasawi bilang si John Kenneth Lumanglas at ang batang si Raizel Gabrielle Vergara, ayon sa ulat ng Calabarzon regional police.
Sugatan naman ang kasama nila na si Racquel Davalos.
Naganap ang insidente dakong alas-7, sa Sitio Arrieta, Brgy. 20.
Sakay sina Lumanglas, Vergara, at Davalos ng motorsiklong pag-aari ng huli, nang pagbabarilin ng mga di pa kilalang salarin mula sa likuran, ayon sa ulat.
MOST READ
LATEST STORIES