FOUR months pregnant na pala ang leading lady ni Christian Bables sa pelikulang “Recipe For Love” na si Cora Waddell sa panganay nila ng asawang model na si Terrence Lloyd.
Ayon kay Cora, matagal silang magkaibigan ni Terrence hanggang sa mauwi nga sa kasalan ang kanilang relasyon. Kuwento ng dating PBB housemate, kahit ang mga kaibigan nila ay nagulat nang magtungo sila sa Australia at doon nagpakasal.
“Friends kami for eight years, parang flirting-flirting lang kami palagi,” ani Cora na naniniwalang hindi makakaapekto sa career niya ang estado ng kanyang personal na buhay.
“I never felt that married or marital status should make a difference in what you do for a living lalo na if you’re professional and you take your job seriously and handle it with respect,” sabi ng aktres.
Malaki raw ang naitulong ni Christian kay Cora habang ginagawa nila ang “Recipe For Love”, “Sa project na ito, he really took me out of my shell coz I’m a very quiet reserved person. Kasi kaming mga models tahimik lang kami, hindi kami matsika at work and Christian brought me into a world of taping that you can joke, you can talk, and he really open me up and made me a friendly person.”
Palabas na sa Nov. 21 ang “Recipe For Love” mula sa Regal Entertainment sa direksyon ni Jose Javier Reyes.