KEANNA REEVES
INARESTO ang dating sexy star na si Keanna Reeves dahil sa kasong cyber libel.
Ayon sa ulat, hinuli ang aktres ng mga pulis sa kanyang tahanan sa Timog Avenue corner Scout Ybardolaza, Quezon City sa bisa ng warrant mula kay Judge Maria Florencia Formes-Baculo ng Laguna Regional Trial Court Branch 34.
Ang kasong cyber libel ay isinampa ng negosyanteng si Nancy Dimaranan laban kay Keanna dahil sa pagmumura at pagbabanta umano nito sa kanya.
Dinala si Keanna sa Criminal Investigation And Detection Group Regional Office sa Laguna “for booking procedure.” Nagrekomenda naman si Judge Baculon ng P200,000 bail para sa pansamantalang kalayaan ng aktres.
Sa isang panayam, sinabi ng sexy star na wala siyang natanggap na resolusyon mula sa korte kaya ikinagulat niya ang pagdating ng mga arresting officers.