JAY SONZA
LUMIKHA ng malaking kontrobersiya ang hanash ng tatlong candidates ng Miss Earth na nagsabing they were harassed by one sponsor.
Sa kani-kanilang Instagram account ay ikinuwento nila kung paano nangyari ang harassment. Matapang ang isa dahil talagang pinangalanan niya ang guy na diumano ay nang-harass sa kanya.
Wala pang pormal na reklamo kaya hindi pa namin alam kung saan aabot ng kontrobersiyang ito.
Maging si Jay Sonza ay nakisawsaw na sa issue. Sa kanyang latest post ay nagpahaging siyang may ibubulgar siyang pageant-related incidents na kanyang nasaksihan.
“Darating ang araw na magsusulat ako ng aking mga personal na karanasan bilang principal judge sa mga pangyayari sa likod ng isang pamosong national at international beauty pageant.
“Abangan ang mga umaalingasaw na pagsabog lalo na sa pre-pageant pa lamang hanggang sa coronation night!”
‘Yan ang post niya sa kanyang Facebook account. This early ay marami na ang nag-aabang sa mga pasabog na revelation ni Jay.
“Maraming shocking story behind the stages for sure ito! popcorn pls.”
“Now na! Napapanahon para ilabas ang mga manyakol na aalig aligid diyan.”
“Mukhang kaka-excite basahin yang isusulat nyong yan sir Jay.”
“Naalala ko po yung ‘Take it! Take it’ scene sir Jay.”