Payo ni Vic kay Maine kontra intriga: Dapat matutunan niya ‘yun on her own

MAINE MENDOZA AT VIC SOTTO

Payo ni Vic Sotto sa kanyang anak-anakan na si Maine Mendoza, mas mabuting harapin niya ang mga intriga at kontrobersiya sa sarili niyang paraan.

Natanong kasi si Bossing kung ano ang maipapayo niya sa Dubsmash Queen para i-handle ang pressure ng showbiz at ng pagiging social media influencer?

Sey ng TV host-comedian, “Aside from the fact na hindi ako pakialamero, dapat ‘yun matutunan niya on her own. All the lessons the good and the bad, dapat matutunan niya.

“Kasi I’ve been through that also, I’ve been here for quite some time so, wala naman nag-a-advice sa akin na, ‘Uy ito gagawin mo kapag may buwisit, ganyan-ganyan. She will learn on her own and she’s a good learner,” pahayag ng beteranong komedyante.